الا كنت مسؤول في هذه لبلاد غادي نقول

الا كنت مسؤول
في هذه لبلاد غادي نقول
يا شعبي يا حبيبي نديرك في جيبي يا ولد حلال
يا شعبي ياك فاطر هانيا لخواطر ساكن لمقابر او صابر على حال
يا شعبي ياك واكل لحومك بايع قلوبك او هاز همومك بثقل جبال
يا شعبي انت نايم سارح او هايم او في فقر عايم او ديما على هالحال
نبغيك تتحشش تتهمش او في كوان تتكمش دايخ مدوخ بال
نبغي لشايف او عارف او خايف واكل لسانوا ما عندوا ما يتقال
نبغي سد عينيه او يصمك ودنيه او غافل بحال لبغال
نبغي لبالحال راضي او لي غير غادي او لي شايف كلشي موحال
يا شعبي نبغيك تسافر او تبعد او تسيفط دولار او ريال
يا شعبي نبغيك تغني او تهلل او تهبل على ماتش ولا فيلم ديال هبال
نبغيك تمجد تعضم توافق او تنافق او تلبس سندال
يا شعبي الا فكرتي تخطط او تفكر تخدم مخك او تفتح ليه مجال
او بغيتي تتنور بغيتي تتطور او دير راسك حتى انت من رجال
ديك ساعة غادي نجيبك او نفرح بتعذيبك او نخليك لبحالك مثال

شكرا لك أخي على الخاطرة الرائعة
جزاك الله خيرا دمت بود
تحياتيــ

الا كنت مسؤول في هذه لبلاد غادي نقول 69