شي نهار>>خاطرة رائعة و مؤثرة

شي نهار

شي نهار بلادي نشوف بلا ضلم
شي نهار عباد الله تولي تحلم
شي نهار ما تبقاش بلادي للتقصار
شي نهار ما تكونش بارك او تريب عليك دار
شي نهار ما تشوفش اباك من هموا خارج من بار
شي نهار لعرب يتافقوا يقولوا شي قرار
شي نهار بشار ما يقولش في خوه اسرار
شي نهار برلمان يقول شي حاجة على حكار
شي نهار ما نشوفش ناس تتبدل
شي نهار نصوتوا او نعرفها تتعدل
شي نهار ما نسمعش صوت مقموع
شي نهار ما نلقاش ناس ماتت بجوع
شي نهار نلقى واليدا بلا دموع
شي نهار نشوف خويا ماشي مرفوع
شي نهار شي شد بيد لي ناعس في دس
شي نهار تلقى لعاونك واخى غير باش تجلس
شي نهار ما يبقاش بنادم في بحر يموت
شي نهار نلقى ليخدم بلاد بلا لافوت
شي نهار تعليم يطلع من قاع
شي نهار ما نلقاش لبنات في طريق تباع
شي نهار نعرف بلي باقي مغرب ما ضاع
شي نهار حكومة تكمل بلا ترقاع
شي نهار ناس بناس تحس
شي نهار راس يتيم يتلمس
شي نهار تتبدل هذه حالة
شي نهار تنقص هذه بيطالة
شي نهار يعرفوا هذيك ما سياسة ما حتى حاجة
شي نهار نحس بلي درنا شي حاجة
شي نهار نعيش فرحان او سار
شي نهار يعفوا الله على هذه لبلاد
شي نهار يعفوا عليها من فساد
شي نهار يفعوا عليها من حساد
شي نهار يغفوا علينا من جار
شي نهار نعرفوا معنى مساعدات او ديون
شي نهار نفرقوا ما بين شيك او بون
شي نهار ما نبقاش نتسنى هذه نهار

صاحب الخاطرة صديقي -أحمد

شكرا لك أخي على الخاطرة الرائعة
جزاك الله خيرا دمت بود
تحياتيــ

شي نهار>>خاطرة رائعة و مؤثرة 65